സ്പാനിഷ് ലീഗിൽ ജിറോണ എഫ്സിയോട് തോറ്റ് ബാഴ്സലോണ. കോപ ഡെൽറെ സെമിഫൈനലിന്റെ ഒന്നാം പാദത്തിൽ അത്ലറ്റികോ മാഡ്രിഡിനോട് എതിരില്ലത്ത നാല് ഗോളിന് തോറ്റതിന്റെ പിന്നാലെയാണ് ഇത്.
മത്സരത്തിൽ ആദ്യം ഗോൾ നേടിയത് കുർബാസിയിലൂടെ ബാഴ്സയായിരുന്നു. 59-ാം മിനിറ്റിലായിരുന്നു ആ ഗോൾ പിറന്നത്. ശേഷം 62-ാം മിനിറ്റിൽ തോമസ് ലെമർ ജിറോണയുടെ സമനില ഗോളും 86-ാം മിനിറ്റിൽ ഫ്രാൻ ബെൽട്രൻ ജിറോണയുടെ വിജയഗോളും നേടുകയായിരുന്നു.
രണ്ടാം പകുതിയുടെ അധിക സമയത്ത് ജിറോണയുടെ ജോയൽ റോക്ക ചുവപ്പ് കാർഡ് കണ്ട് പുറത്തായി. ലാമിൻ യമാൽ പെനാൽറ്റി പാഴാക്കി.
കിരീട പ്പോരിൽ ഈ തോൽവി ബാഴ്സയ്ക്ക് വലിയ വെല്ലുവിളിയായി. നിലവിൽ 24 മത്സരങ്ങളിൽ നിന്ന് 60 പോയിന്റുമായി റയൽ മാഡ്രിഡ് ഒന്നാം സ്ഥാനത്തേക്ക് കുതിച്ചപ്പോൾ 24 മത്സരങ്ങളിൽ നിന്ന് 58 പോയിന്റുമായി ബാഴ്സ രണ്ടാം സ്ഥാനത്താണ്.
Content Highlights: Laliga: Girona 2-1 Barcelona